D.Qulluğu
24 mart 2021
2 273
Dövlət qulluğu vəzifələri üzrə müsahibələrə ərizə qəbulu davam edir
Martın 15-də elan edilmiş ümumi müsahibədə iştirak edən dövlət orqanları üzrə işləmək istəyən namizədlərin ərizə qəbulu mərhələsi davam edir.
DİM-in martın 24-ü saat 12:00-a olan məlumatına əsasən ümumi müsahibələrdə iştirak etmək üçün 57 nəfər müraciət edib.
Ümumi müsahibədə iştirak etmək üçün ərizə qəbulu aprelin 13-də yekunlaşacaq.
Qeyd edək ki, ümumi müsahibəyə 12 dövlət orqanında 46 vakant vəzifə - Hesablama Palatası 1, Maliyyə Nazirliyi 4, Kənd Təsərrüfatı Nazirliyi 9, Dövlət Statistika Komitəsi 3, Ailə, Qadın və Uşaq problemləri üzrə Dövlət Komitəsi 2, Diasporla İş üzrə Dövlət Komitəsi 1, Milli Arxiv İdarəsi 1, Qida Təhlükəsizliyi Agentliyi 20, Dövlət Turizm Agentliyi 1, Məhkəmə-Hüquq Şurası 2, Gəncə İnzibati Məhkəməsi 1, Gəncə Kommersiya Məhkəməsi 1 yer çıxarılıb.
