Xəbərlər / Abituriyent
06 sentyabr 2019
2 317
Peşə məktəblərinə qəbul olanların sayı açıqlandı - İkinci mərhələdə
Peşə təhsili müəssisələrinə sənəd qəbulunun ikinci mərhələsi başa çatıb.
Peşə Təhsili üzrə Dövlət Agentliyindən verilən məlumata görə, 2019-2020-ci tədris ili üzrə peşə təhsili müəssisələrinə qəbulun 2-ci mərhələsində 5834 nəfər iştirak edib. Onlardan 3791 nəfər peşə təhsil müəssisələrinə qəbul olunub.
Nəticələrin bu gün saat 15:00-da elan olunması nəzərdə tutulub.
Qeyd edək ki, müsabiqəyə birinci mərhələdə iştirak etməyən namizədlər də qatılıblar. Sənəd qəbulu "ASAN xidmət” mərkəzlərində, "ASAN xidmət” mərkəzlərinin fəaliyyət göstərmədiyi şəhər və rayonlar üzrə isə müvafiq peşə təhsili müəssisələrində ödənişsiz şəkildə və elektron qaydada həyata keçirilib. Qəbul şəhadətnamə və ya attestat əsasında müvafiq fənlərin orta balı nəzərə alınmaqla müsabiqə yolu ilə aparılıb. Əlilliyi olan şəxslərin, həmçinin valideynlərini itirmiş və ya valideyn himayəsindən məhrum olmuş uşaqların qəbulu müsabiqədənkənar aparılıb.
