Xəbərlər
06 aprel 2018
2 852
İlahiyyat İnstitutunda neçə tələbə təhsil alacaq? - Açıqlama
"Birinci il İlahiyyat İnstitutuna 60 nəfər qəbul ediləcək".
Aztehsil.com xəbər verir ki, bu barədə AzVision.az-a Dini Qurumlarla İş Üzrə Dövlət Komitəsinin sədr müavini Gündüz İsmayılov deyib. Komitə rəsmisi qeyd edib ki, ilkin mərhələdə iki ixtisas (İslamşunaslıq və Dinşunaslıq) üzrə qəbulun həyata keçirilməsi nəzərdə tutulur.
"Qəbul III ixtisas qrupunda həyata keçiriləcək. Abituriyentlər mərkəzləşdirilmiş qaydada imtahan verdikdən sonra İslamşunaslıq ixtisasını seçənlər əlavə olaraq dini psixoloji komissiyadan keçəcəklər. İnstitutun yerləşəcəyi binanın müəyyənləşdirilməsi istiqamətində işlər davam etdirilir”.
Qeyd edək ki, Azərbaycan prezidenti İlham Əliyevin 9 fevral tarixli sərəncamına əsasən, Dini Qurumlarla İş üzrə Dövlət Komitəsi öz tabeliyində Azərbaycan İlahiyyat İnstitutu yaradılıb. Təhsil Nazirliyinə Bakı Dövlət Universitetinin İlahiyyat fakültəsinin Azərbaycan İlahiyyat İnstitutunun strukturuna daxil edilməsini təmin etmək tapşırılıb.
