Beynəlxalq olimpiadalara hazırlıq dərslərinin tarixləri AÇIQLANIB
Aşağı yaş qrupu üzrə riyaziyyat fənnindən beynəlxalq olimpiadalara hazırlıq dərslərinin tarixləri açıqlanıb.
Hər il olduğu kimi cari tədris ilində də riyaziyyat fənni üzrə beynəlxalq olimpiadalara hazırlıq dərsləri 3 yarımqrup üzrə davam etdirilir.
AzTehsil.com xəbər verir ki, İikin mərhələyə Respublika Fənn Müsabiqələri qalibləri, aşağı yaş qrupu üzrə 2 mərhələləli seçmə imtahanın qalibləri və yuxarı yaş qrupu üzrə Respublika Fənn Olimpiadaları qalibləri arasında keçirilən seçmə imtahanında yüksək nəticə göstərmiş şagirdlər dəvət olunurlar.
Aşağı yaş qrupu üzrə dərslərin keçirilməsində əsas məqsəd cari tədris ilində Yeniyetmələrin Balkan Riyaziyyat Olimpiadasında komandamızın yüksək nəticə göstərməsini təmin etmək, eləcə də növbəti illərdə daha yüksək yaş qrupuna hazırlıq üçün möhkəm təməlllərin qoyulmasından ibarətdir.
Riyaziyyat fənni üzrə aşağı yaş qrupu üzrə (8-ci və 9-cu sinif şagirdləri ilə) dərslər həftənin çərşənbə günləri 15:00-18:20 və şənbə günləri 10:00-13:20-də ARTİ-nin Təhsil Texnologiyaları Mərkəzində təşkil olunacaqdır.
