Sinif yoldaşının ölümündə təqsirləndirilən yeniyetməyə hökm oxunub
Sinif yoldaşının ölümündə təqsirləndirilən yeniyetməyə hökm oxunub
Mübahisə zamanı ehtiyatsızlıqdan sinif yoldaşının ölümündə təqsirləndirilən M.İ-nin cinayət işi üzrə məhkəmə prosesi yekunkaşıb.
AzTehsil.com xəbər verir ki, bu gün Bakı Ağır Cinayətlər Məhkəməsində hakim Nigar İmanovanın sədrliyi ilə keçirilən prosesdə təqsirləndirilən şəxsin vəkili çıxış edib.
Vəkil bildirib ki, müvəkkili zərərçəkmiş tərəflə barışmağa, onlara mənəvi ziyanın ödənilməsi ilə bağlı təklif verməyə çalışsa da, buna nail olmayıb. Onlar sinif yoldaşı olub, hadisə futbol oynayarkən baş verib. Müvəkkilimin şəxsi öldürmək fikri olmayıb. İ.M zərərçəkmişə yumruq vurub. O, huşunu itirib. Müdaxilədən sonra ayılıb. Sonra evə gedib. Hadisədən bir neçə gün sonra ölüb. Müdafiə etdiyim şəxs affekt vəziyyətində olub. Müvəkkili yetkinlik yaşına çatmayıb, şəhid ailəsi üzvüdür, indiyədək cinayəti olmayıb. Vəkil məhkəmədən bunları nəzərə almağı, maddənin tələb etdiyi cəza həddindən aşağı, şərti cəza verilməsini xahiş edib.
İş üzrə təqsirləndirilən İ.M son söz olaraq məhkəmədən ona ağır cəza verməməsini xahiş edib.
Prosesdə hökm oxunub. Hökmə əsasən, təqsirləndirilən şəxs 9 il müddətə azadlıqdan məhrum edilib.
Qeyd edək ki, təqsirləndirilən İ.M Cinayət Məcəlləsinin 126.3-cü ( Qəsdən sağlamlığa ağır zərər vurma , ehtiyatsızlıqdan zərərçəkmiş şəxsin ölümünə səbəb olduqda ) maddəsi ilə ittiham edililib.
