“Nə? Harada? Nə zaman?” intellektual yarışı üzrə Gəncə kuboku keçirilib
“Nə? Harada? Nə zaman?” intellektual yarışı üzrə Gəncə kuboku keçirilib
Elm və Təhsil Nazirliyinin təşkilatçılığı, Gəncə–Daşkəsən Regional Təhsil İdarəsinin və “Kapital Bank”ın dəstəyi ilə, “Təhsil Oyunları” platforması tərəfindən 6–11 sinif şagirdləri arasında “Nə? Harada? Nə zaman?” intellektual yarışı üzrə Gəncə kuboku keçirilib.
Yarışda ümumilikdə 20 komanda iştirak edib.
Nəticələrə əsasən I yerin qalibi – Gəncə şəhər M.Ş.Vazeh adınına 16 nömrəli tam orta məktəbin “Dragon” komandası, II yerin qalibi Gəncə şəhər M.C.Paşayev adına 39 nömrəli tam orta məktəbin “Mindstorm” komandası, III yerin qalibi Gəncə şəhər V.Əliyev adına 12 nömrəli tam orta məktəbin “Xarıbülbül” komandası olub.
Birinci yerin qalibi olan “Dragon” komandası Respublika çempionatında iştirak etmək hüququ qazanıb.
Qalib olan üç komanda kubok, medal, sertifikat və hədiyyələrlə təltif olunub.
Yarışın əsas məqsədi şagirdlərdə məntiqi düşüncə, komanda işi və sürətli qərarvermə bacarıqlarını inkişaf etdirmək, həmçinin intellektual yarışlara marağı artırmaq olub.
