Bu müəllimlər üçün qeydiyyat BAŞLAYIR
Müddətli əmək müqaviləsi ilə ikinci iş yerində çalışmaq istəyən müəllimlər üçün qeydiyyat başlayır.
Dağlıq Şirvan Regional Təhsil İdarəsinin tabeliyində fəaliyyət göstərən ümumi təhsil müəssisələrində ikinci iş yeri üzrə müddətli əmək müqaviləsi ilə fəaliyyət göstərmək istəyən və dərs saatı az olan bütün fənn müəllimləri üçün qeydiyyat başlayıb.
AzTehsil.com xəbər verir ki, aşağıda qeyd edilən tələblərə cavab verən müəllimlər Dağlıq Şirvan Regional Təhsil İdarəsinə (Şamaxı şəhər, Şəhriyar küçəsi 21) yaxınlaşaraq (qeyri iş günləri istisna) ərizə ilə müraciət edə bilərlər.
• Hazırda Ağsu, Şamaxı, İsmayıllı və Qobustan rayonları üzrə ümumi təhsil müəssisələrində müəllim vəzifəsində çalışmaq
• İkinci iş yeri üzrə fəaliyyət əsas iş yerindəki dərs yükünə və iş qrafikinə mane olmaması
• İkinci iş yeri ilə əsas iş yeri arasında məsafənin uyğun olması
Müraciət edilən fənn üzrə vakant olduğu halda həmin müəllim əvəzçilik qaydasında dərslə təmin ediləcək. Bir vakant yerə bir nəfərdən artıq namizəd olduğu halda seçim ardıcıllığı aşağıdakı kimi müəyyən olunur.
Sertifikasiya nəticəsi ən yüksək olan namizəd, sertifikatlaşdırma prosesində iştirak etməyən namizədlərdə sonuncu qiymətləndirmə (diaqnostik qiymətləndirmə və ya müəllimlərin işə qəbulu üzrə müsabiqəsinin) nəticəsi ən yüksək olan namizəd üstünlük verilir.
