93 nəfər hüquqşünasın ixtisası tanınmayıb
Ötən ay “Hüquqşünaslıq” ixtisası üzrə peşə tanınması əldə etmək istəyən 93 namizəd imtahanda uğursuz olub.
AzTehsil.com xəbər verir ki, bu barədə Təhsildə Keyfiyyətin Təminatı Agentliyi məlumat yayıb.
Bildirilib ki, iyun ayında peşə tanınması ilə bağlı imtahanda “Hüquqşünaslıq” ixtisası üzrə 115 nəfər iştirak edib, onlardan yalnız 22 nəfəri uğur qazanıb.
Məlumata əsasən, ölkələr üzrə Ukraynadan 46, Rusiya Federasiyasından 39, Türkiyə Respublikasından 5, Gürcüstandan 1, Belçika Krallığından 1, Qazaxıstan Respublikasından 1 nəfərin uğursuz nəticəsi qeydə alınıb.
Ölkələr üzrə Ukraynadan 7, Rusiya Federasiyasından 5, Türkiyə Respublikasından 5, Litva Respublikasından 2, Fransa Respublikasından 1, Avstriya Respublikasından 1, Almaniya Federativ Respublikasından 1 nəfər 15 keçid balından çox toplayaraq uğurlu nəticə əldə edib.
