Riyaziyyat fənni üzrə seminara qeydiyyat başlanıb
Təhsil İnstitutu müəllimlərin işə qəbulu müsabiqəsinə və sertifikasiya imtahanına hazırlaşan namizədlərə dəstək məqsədilə seminarları davam etdirir.
İnstitutdan bildirilib ki, budəfəki seminar riyaziyyat fənnindən imtahana hazırlaşan şəxslər üçün nəzərdə tutulub. Seminar iyunun 7-si saat 15:00-da əyani şəkildə təşkil ediləcək. İştirak etmək istəyən şəxslər iyunun 6-dək linkə daxil olmaqla qeydiyyatdan keçə bilərlər.
Seminar 240 nömrəli tam orta məktəbdə (Bakı şəhəri, Nəsimi rayonu, M.Cəlal küçəsi, 26) keçiriləcək və 2 saat davam edəcək.
Qeyd edək ki, seminarların mütəmadi şəkildə keçirilməsi planlaşdırılır. Hər seminar bir fənn üzrə çərçivə sənədinin izahına həsr olunacaq, əvvəlki illərdə imtahanlarda istifadə olunan sual nümunələri müzakirə olunacaq, eyni zamanda, gələcəkdə çərçivə sənədinin təkmilləşdirilməsinə dair verilən təkliflər dəyərləndiriləcək.
