Təhsil kreditləri almaq istəyənlərə ŞAD XƏBƏR
Təhsil Tələbə Kredit Fondunun Nizamnamə kapitalı artırılacaq.
Oxu.Az xəbər verir ki, bunu Milli Məclisin komitələrinin birgə iclasında maliyyə naziri Samir Şərifov 2022-ci ilin dövlət büdcə layihəsinə daxil olan sənədlərin müzakirəsi zamanı deyib.
Nazir bildirib ki, həmin Fondun Nizamnamə kapitalının 2022-ci ildə 102 milyon manata çatdırılması gözlənilir.
“Bununla da təhsil krediti alacaq şəxslərin sayı artacaq”, - deyə nazir əlavə edib.
Qeyd edək ki, 2021-ci il üçün Fondun Nizamnamə kapitalı 80 milyon manat məbləğində dəyərləndirilir.
Bildirək ki, Nazirlər Kabinetinin qərarına əsasən, Təhsil Tələbə Krediti Fondunun vəsaiti hesabına təhsil tələbə kreditlərinin verilməsi Qaydası təsdiqlənib. Qaydada təhsil tələbə kreditinin növləri və kreditdən istifadə hüququ, kreditin verilməsinə dair tələblər və tətbiq edilən güzəştlər müəyyən edilib.
Qaydaya əsasən təhsil tələbə kreditinin sosial və standart növləri mövcuddur. Sosial təhsil tələbə kreditindən yalnız sosial həssas təbəqəyə aid ailələrinin üzvü olan tələbələr istifadə edə biləcəklər. Hər iki növ üzrə kreditin verilməsində şərtlər və tələblər mövcuddur. Kreditlərin verilməsi Fondla müvəkkil bank arasında bağlanılacaq baş sazişə uyğun olaraq tələbələrlə bağlanılmış kredit müqavilələri əsasında təhsil müəssisələrinə köçürüləcək. Tələbələrdən girov və zaminlik tələb olunmur və təhsil tələbə kreditləri sığortalanır. Təhsil tələbə krediti üzrə kreditin maksimal məbləğini və kredit faizlərini Fondun Himayəçilik Şurası təsdiq edəcək.
Qaydada təhsilin keyfiyyətinin stimullaşdırılması məqsədi ilə güzəştlər sistemi də nəzərdə tutulub. Təhsil tələbə krediti üzrə müraciətlərin edilməsi, qeydiyyatı, tələbənin statusunun və hüququnun müəyyən edilməsi və sair əməliyyatlar bu məqsədlə yaradılan elektron informasiya sistemi vasitəsi ilə həyata keçiriləcək.
Baş nazir tələbə kreditlərinin verilməsi qaydasını təsdiqlədi
Təhsil Tələbə Krediti Fondu – Əsas məqamlar
Azərbaycanda təhsil tələbə krediti veriləcək - Fond yaradıldı
Tələbə kreditinin ilkin verilmə tarixi AÇIQLANDI
Təhsil Nazirliyindən tələbələrə ŞAD XƏBƏR
Nazir müavini tələbə kreditində kimlərə güzəşt ediləcəyindən DANIŞDI – VİDEO
Maarifçi Tələbə Kredit Fondunun elan sessiyasının müddəti uzadılıb
Nazirlik təhsil tələbə kreditlərinin verilməsi qaydası ilə bağlı məlumat yayıb
Müəllimlərə güzəştli ipoteka krediti verilsin
Tələbə kreditlərinin verilməsində beynəlxalq təcrübə
Tələbə təqaüdləri ilə bağlı YENİLİK
Təhsil haqqını verə bilməyən tələbələrə - Şad xəbər
Aztəminatlı əhaliyə veriləcək tələbə kreditlərinin həcmi bilindi - RƏSMİ
Müəllimlərə ipoeteka krediti veriləcək-FƏRMAN
Kredit almaq istəyən tələbələrin nəzərinə
Yeni tədris ilindən aztəminatlı ailələrdən olan tələbələrə təhsil kreditləri faizsiz veriləcək
Millət vəkilindən təklif- 7 min tələbə təhsil haqqını ödəyə bilməyirsə...
Azərbaycanda yeni fond yaradılıb– FƏRMAN
Təhsil tələbə kreditinin qaytarılması qaydası açıqlanıb
2022-ci ilin dövlət büdcəsində təhsil xərcləri artırılacaq
Müəllimlərin güzəştli ipoteka hüququ ilə bağlı dəyişikliklər
Təhsil kreditlərinin veriləcəyi tarix açıqlanıb
“Ali təhsil haqqında” qanun layihəsinə bununla bağlı konkret maddənin salınması zəruridir.
Tələbələrə ŞAD XƏBƏR - QANUN