Xəbərlər
17 aprel 2021
4 354
Buraxılış imtahanlarının nəticələri bu tarixdə məlum olacaq
Aprelin 16-da Dövlət İmtahan Mərkəzi (DİM) tərəfindən respublikanın 14 şəhər və rayonunda tam (11 illik) orta təhsil səviyyəsi üzrə növbəti buraxılış imtahanları keçirilib. İmtahanlar Bakı şəhərinin Binəqədi, Nizami, Səbail, Suraxanı rayonlarında, Gəncə şəhərinin Nizami rayonunda, Ağcabədi, Ağstafa, Astara, Oğuz, Şamaxı, Saatlı rayonlarında və Sumqayıt şəhərində təşkil olunub.
Bu barədə DİM-dən məlumat verilib. Bildirilib ki, imtahanlarda istifadə olunan yazılı cavab tələb edən açıq tipli tapşırıqların yoxlanılması uzun müddət tələb etdiyindən nəticələrin 3 həftə ərzində elan olunması nəzərdə tutulur.
Aprelin 17-dən etibarən DİM-də imtahan protokollarının və cavab vərəqlərinin emalına başlanılacaq.
