Xəbərlər / Səhiyyə
05 mart 2021
1 624
Pandemiyanın bitəcəyi tarix açıqlandı
Dünya pandemiyanın öhdəsindən 2022-ci ilin əvvəlində gələcək, lakin bu, koronavirusun yox olacağı demək deyil.
Bu fərziyyəni Ümumdünya Səhiyyə Təşkilatının (ÜST) Regional Bürosunun direktoru Hans Kluge "Die Welt” qəzetinə müsahibəsində deyib:
"Düşünürəm ki, 2021-ci il fərqli COVID ili olacaq. Ancaq indi hadisələri daha yaxşı proqnozlaşdırıb, idarə edə bilərik. 2020-ci ildə həm səhiyyə, həm də siyasətdə yalnız qeyri-müəyyənlik var idi. Bir il keçəndən sonra daha çox şey bilirik, bizim alətlərimiz, diaqnostik proqramlarımız, peyvəndlərimiz var. 2022-ci ilin əvvəlində pandemiyanın bitəcəyinə inanıram, ancaq bu virusun özünün aradan qalxacağı anlamına gəlmir”.
ÜST sözçüsü peyvənd məsələsində səbrli olmağa çağırıb:
"Başlanğıcda tələb həmişə təklifi üstələyir. Bütün planet sakinləri bir anda peyvənd edilə bilməz”.
Klugenin sözlərinə görə, Avropadakı vətəndaşların yayda peyvənd pasportlarına sahib olmaları mümkündür.
