Xəbərlər
18 iyul 2020
777


Fransanın aparıcı universitetlərindən birində təhsil almaq, 4 ilə iki nüfuzlu ali məktəbin diplomunu əldə etmək…

 

"UNEC-dən dünyaya” layihəsi ikili diplom və mübadilə proqramı ilə xaricdə təhsil alan tələbələrlə müsahibələrə davam edir.

Layihənin budəfəki iştirakçısı Azərbaycan Dövlət İqtisad Universitetinin (UNEC) Beynəlxalq İqtisadiyyat Məktəbinin (İSE)  Maliyyə ixtisası üzrə tələbəsi Əsmər Hüseynzadədir. O, UNEC ilə Fransanın Montpellier Universitetinin ikili diplom proqramı çərçivəsində 3-cü kurs təhsilini Fransada alıb. Ə.Hüseynzadə Montpellier Universiteti və ikili diplom proqramı barədə təəssüratlarını UNEC News-la bölüşüb.

İki universitetin diplomunu əldə etmək şansı

-Universitetə daxil olmamışdan öncə də UNEC-in ikili diplom proqramları barədə məlumatlı idim və böyük marağıma səbəb olmuşdu.  Çünki xaricdə təhsil almaq mənim ən böyük arzularımdan biri idi. Tələbə olduqdan sonra ikili diplom proqramları barədə mütəmadi bizə məlumat verilirdi, elə birinci kursdan qərar verdim ki, ikili diplom proqramına müraciət etməliyəm. UNEC-in tələbələrinə verdiyi bu imkanı həmişə özüm üçün böyük bir şans hesab etmişəm. Bir il Fransanın aparıcı universitetlərindən birində təhsil almaq, 4 ilə iki nüfuzlu universitetin diplomunu əldə etmək…düşünürəm ki, gələcək karyeramda və elmi fəaliyyətimdə mənə bir çox üstünlüklər qazandıracaq.

Montpellier Universitetində təhsil almaq imkanı əldə edən 18 UNEC tələbəsindən biri oldum

-Tələb olunan sənədləri təqdim etdikdən bir müddət sonra müsahibə prosesi oldu. Mənə gələcək planlarım, Fransada təhsil almaq istəyimin səbəbləri, akademik nəticələrim barədə suallar verildi. Müsahibədən uğurla keçdim və akademik göstəricilərimin yüksək olması, ingilis dilində təhsil almağım mənə üstünlük qazandırdı. Beləliklə, ikili diplom proqramını qazanan 18 UNEC tələbəsindən biri oldum.

Proqramı bitirən tələbələr arasında imtahan nəticələrinə görə UNEC tələbələri ön sıralarda idi

-Bu il ikili diplom proqramında iştirak edən tələbələrin sayı çox olduğundan istər-istəməz qrupda diqqət çəkirdik və bizə hər zaman ölkəmizlə bağla suallar verilirdi.  Dərslərdə, qrup işlərində biliklərimizlə ön plana çıxmağa çalışırdıq. Montpellier Universitetinin ikili diplom proqramında UNEC-in 18 tələbəsi ilə yanaşı, dünyanın müxtəlif ölkələrindən 34 tələbə iştirak edirdi. Qürurverici haldır ki, proqramı bitirən tələbələr arasında imtahan nəticələrinə görə UNEC tələbələri ön sıralarda yer alırdı. Sıralamada qrup yoldaşım Kənan Rəhimov 2-ci, mən isə 4-cü yerdə idim.  

Bir il təhsil haqqı ödəməklə Montpellier Universitetinin diplomunu qazanırsız!

-Montpellier Universitetində istər təhsil, istərsə tələbə mühiti çox fərqlidi və yüksək səviyyədə təşkil olunub. İnfrastruktur tələbələrin rahat təhsili və istirahəti üçün qurulub. Hər korpusda böyük və zəngin kitabxana kompleksləri fəaliyyət göstərir. Fransız vətəndaşları üçün bir çox universitetdə təhsil ödənişsizdir, sadəcə müəyyən akademik göstəricilər tələb olunur. Əcnəbi tələbələr üçün isə təhsil haqqında və əlavə xərclərdə güzəşt olunmur. Bu baxımdan UNEC-in tələbələrinə yaratdığı şans çox böyükdür. Düşünün ki, bir il təhsil haqqı ödəməklə Montpellier Universitetinin diplomuna sahib olursunuz! Bu imkandan yararlana bildiyim üçün çox şanslıyam.

Ölkəmizdən uzaqda olsaq da…

-Əfsuslar olsun ki, təhsil aldığımız dövrün sonuna yaxın pandemiya ilə əlaqədar Fransada bütün məktəb və universitetlər bağlandı. Dərslərin bir çoxu artıq başa çatdığından onlayn imtahanlar və təqdimatlar vasitəsilə imtahanlarımızı tamamladıq, Digər dərslərə isə onlayn davam etdik.

Ölkəmizdən uzaqda olsaq da, UNEC-dən mütəmadi olaraq bizimlə maraqlanırdılar. Pandemiya dövründə fakültəmizin dekanı, eləcə də Beynəlxalq əməkdaşlıq departamentinin nümayəndəsi bizimlə sıx əlaqə saxlayırdı və vəziyyətimizlə maraqlanırdı. Tədris yekunlaşdıqda isə ilk reyslə ölkəmizə qayıtdıq.

Tələbələrə tövsiyəm…

-Fransızlar ingilis dilində danışmağa meyilli deyillər deyə, dil barədə bir az çətinliklər yaşadım. Mədəniyyətlərimiz hər nə qədər fərqli olsa da, dərslərdə interaktiv iştirak etdikcə, müxtəlif xalqların nümayəndələrini tanıdıqca, əslində fərqlərin o qədər də vacib olmadığını gördüm.

Proqramda iştirak etmək istəyənlər nəzərə alsınlar ki, ingilis dilində təhsil alacaqlar və dil biliklərini öncədən təkmilləşdirsinlər. Təbii ki Fransaya getdikləri üçün müəyyən qədər fransız dili bilikləri olsa yaxşıdır. Dərslərə daha çox fokuslansınlar, çünki beynəlxalq mühitdə ən çox biliklərimiz dəyər görür.
Məqalə Göndər








Загрузка...
Həmçinin oxuyun:
UNEC-in 9-cu ikili diplom proqramı

UNEC-in 9-cu ikili diplom proqramı

Abituriyentlərin bilməsi lazım olan 10 mühüm fakt

Abituriyentlərin bilməsi lazım olan 10 mühüm fakt

UNEC-in magistrləri Litva Universitetinin diplomunu əldə edəcəklər

UNEC-in magistrləri Litva Universitetinin diplomunu əldə edəcəklər

İlk dəfə UNEC-də: İnklüziv təhsildə ikili diplom proqramı

İlk dəfə UNEC-də: İnklüziv təhsildə ikili diplom proqramı

İqtisad Universitetində “Bir günlük tələbə” olmaq istəyənlərin sayı artır

İqtisad Universitetində “Bir günlük tələbə” olmaq istəyənlərin sayı artır

UNEC-ə köçürülən tələbələrlə görüş keçirilib

UNEC-ə köçürülən tələbələrlə görüş keçirilib

UNEC-lə Ankara və Qazi universitetləri əməkdaşlığın yeni mərhələsində

UNEC-lə Ankara və Qazi universitetləri əməkdaşlığın yeni mərhələsində

ADPU və Corc Vaşinqton Universiteti arasında ikili diplom proqramı üzrə oxumaq istəyənlərin nəzərinə

ADPU və Corc Vaşinqton Universiteti arasında ikili diplom proqramı üzrə oxumaq istəyənlərin nəzərinə

ADPU və Corc Vaşinqton Universiteti arasında ikili diplom proqramı üzrə oxumaq istəyənlərin nəzərinə

ADPU və Corc Vaşinqton Universiteti arasında ikili diplom proqramı üzrə oxumaq istəyənlərin nəzərinə

Böyük Britaniyanın Lester Universitetinin nümayəndə heyəti UNEC-də olub

Böyük Britaniyanın Lester Universitetinin nümayəndə heyəti UNEC-də olub

UNEC dekanları tələbələrlə görüşür

UNEC dekanları tələbələrlə görüşür

Təhsil Nazirliyi dünyanın məşhur universitetlərinin biri ilə ikili diplom proqramı imzalayacaq

Təhsil Nazirliyi dünyanın məşhur universitetlərinin biri ilə ikili diplom proqramı imzalayacaq

700 bal toplayan abituriyentlər UNEC-də

700 bal toplayan abituriyentlər UNEC-də

4 ilə iki diplom almaq imkanı...

4 ilə iki diplom almaq imkanı...

İkinci ixtisas qrupu üzrə 600-dən yüksək bal toplayanlar “UNEC-i tanı” layihəsində

İkinci ixtisas qrupu üzrə 600-dən yüksək bal toplayanlar “UNEC-i tanı” layihəsində

UNEC-də 5 ixtisas qrupu üzrə tələbə qəbulu

UNEC-də 5 ixtisas qrupu üzrə tələbə qəbulu

Magistratura pilləsinə qəbul imtahanlarında ən yüksək balı toplayanlar UNEC-i seçib

Magistratura pilləsinə qəbul imtahanlarında ən yüksək balı toplayanlar UNEC-i seçib

Xaricdə təhsilini yarımçıq qoyan azərbaycanlı tələbələrə UNEC-dən təklif

Xaricdə təhsilini yarımçıq qoyan azərbaycanlı tələbələrə UNEC-dən təklif

ADPU və Corc Vaşinqton Universiteti arasında ikili diplom proqramı imzalanıb

ADPU və Corc Vaşinqton Universiteti arasında ikili diplom proqramı imzalanıb

Təhsil Nazirliyi: İlkin mərhələdə 5 beynəlxalq ikili diplom proqramı təsis olunaca

Təhsil Nazirliyi: İlkin mərhələdə 5 beynəlxalq ikili diplom proqramı təsis olunaca

Bir günlük tələbələr: “Özümüzü UNEC tələbəsi kimi görmək istəyirik”

Bir günlük tələbələr: “Özümüzü UNEC tələbəsi kimi görmək istəyirik”

UNEC tələbələri sağlamlıq imkanı məhdud uşaqlarla birgə

UNEC tələbələri sağlamlıq imkanı məhdud uşaqlarla birgə

İkili diplom proqramı - “Təhsil” ixtisası üzrə magistraturada oxumaq üçün növbəti sənəd qəbulu

İkili diplom proqramı - “Təhsil” ixtisası üzrə magistraturada oxumaq üçün növbəti sənəd qəbulu

Hacettepe Universiteti UNEC-i seçir

Hacettepe Universiteti UNEC-i seçir