Xəbərlər
09 iyun 2020
1 295
Təhsil haqları ilə bağlı yeni kateqoriyalar MÜƏYYƏNLƏŞDİ
Həssas qruplardan olan tələbələrin təhsil haqlarının ödənilməsində bu il üçün yeni kateqoriyalar əlavə olunub.
Bu barədə Təhsil nazirinin müşaviri Elnur Məmmədov məlumat verib.
Onun sözlərinə görə, daimi əsasla təhsil haqqı ödənilən tələbələrlə yanaşı digər kateqoriyalar daxil edilib:
"Ödənişli təhsil alan və kateqoriyalara uyğun olan tələbələr 2020-ci ilin həm yaz, həm də payız sessiyasında elektron portala müraciət edərək təhsil haqlarının dövlət tərəfindən ödənilməsi üçün müraciət edə bilər. Yeni kateqoriyalara ünvanlı sosial yardım alan ailələrin övladları, həmçinin hər iki valideyni və ya tək valideyni birinci və ikinci dərəcəli əlil olan, valideynləri işsiz kimi qeydiyyata alınan, valideynləri yaşa görə əmək pensiyası və sosial müavinət alan tələbələr ödənişlə bağlı müraciət edə bilər”.
