Sertifikasiya imtahanı ilə bağlı onlayn görüş keçirilib
AzTehsil.com xəbər verir ki, Abşeron-Xızı Regional Təhsil İdarəsi tərəfindən coğrafiya müəllimləri üçün onlayn görüş keçirilib.3 aprel 2025-ci il tarixində Abşeron-Xızı Regional Təhsil İdarəsi tərəfindən cari ildə sertifikatlaşdırma prosesinə ilk dəfə cəlb olunacaq coğrafiya müəllimləri üçün onlayn görüş təşkil olunub.
Görüşün məqsədi müəllimləri sertifikasiyaya hazırlamaq, proseslə bağlı məlumatlandırmaq və onların bilik və bacarıqlarını artırmaq olub.
Görüşdə İnzibati Təşkilat sektorunun əməkdaşı Nuranə Əlizadə, Sumqayıt şəhər 32 nömrəli tam orta məktəbin direktoru Fəzilə Mahmudova, ETN-in Coğrafiya fənni üzrə mütəxəssisi və eksperti, İGEO layihəsinin rəhbəri Yaşar Seyidəliyev, Sumqayıt şəhər 29 nömrəli tam orta məktəbin müəllimi Səbinə İsayeva iştirak ediblər.
Müzakirə olunan mövzular:
Sertifikasiyaya hazırlıq prosesi
Müəllimlərin qarşılaşa biləcəyi çətinliklər və həlli yolları
Sertifikasiya imtahanının əsas məqamları
Müəllimlərin sualları cavablandırılıb və imtahanla bağlı vacib məlumatlar verilib. Daha ətraflı məlumat üçün Abşeron-Xızı Regional Təhsil İdarəsinin rəsmi səhifəsini izləyin!
