Xəbərlər / Bölgə
17 aprel 2019
3 911
Daha bir məktəb direktoru ilə bağlı qalmaqal – 5 illik yubiley
Azərbaycanda yüksək vəzifə sahiblərinin, onların övladlarının dəbdəbəli ad günləri, yığıncaqlar keçirməsi adi hal aldığından cəmiyyətdə buna seyrçi yanaşırlar. Ancaq bu ənənəni təhsil ocağına rəhbərlik edən ziyalıların davam etdirməsi təəccüb doğurmaya bilməz.
Azərbaycanda özünün vəzifə təyinatının 5 illiyini ziyafət məclisi ilə qeyd edən məktəb direktou gündəm olub. Belə ki, Samux rayon İnstitut qəsəbə tam orta məktəb direktoru Abbasova Gulsabah Cəfər qızının bu vəzifəyə təyinatının 5 illiyi ilə bağlı təşkil olunan ziyafətin səs-küyü bütün Samuxa yayılıb.
Bu haqda xəbər verən mənbənin sözlərinə görə, Gülsabah Abbasova 14.04.2019-cu il tarixdə sözügedən qəsəbənin tam orta məktəbinin direktoru vəzifəyə təyin edilməsinin 5 illiyi münasibəti ilə kollektivindən hər nəfər üçün 25 manat pul yığdırıb.
Yığılan pulla Gəncənin məşhur restoranlarının biri olan "Şah” sarayında xanım direktor üçün ziyafət təşkil olunub.
Həmin ziyafətdən görüntüləri təqdim edirik:
Gununsesi.org
