Məktəbləri bu şirkət təmir edəcək - 4,3 milyonluq tender
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi respublika üzrə bir sıra təhsil müəssisələrində təmiri işləri ilə bağlı tenderə yekun vurub.
AzTehsil.com xəbər verir ki, tenderin qalibi "Koneks Construction" MMC seçilib. Təmir işlərinə görə, şirkətə 4 321 148,68 manat ödəniləcək.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, "Koneks Construction" MMC 27 noyabr 2019-cu ildə qeydiyyata alındığı göstərilir. Şirkətin nizamnamə kapitalı 10 AZN-dir. Hüquqi ünvanı Bakı şəhəri Binəqədi rayonu, Səttar Bəhlulzadə küçəsi, ev 39, mənzil 202-də yerləşən MMC-nin qanuni təmsilçisi Fərzəliyev Mehdi Məhəmmədəli oğludur.
Açıq mənbələrdə şirkət və qanuni təmsilçisi haqqında heç bir məlumat yoxdur. Amma şirkət satınalma müsabiqələrində fəal iştirak edir. 
