Soydaşlarımız üçün Azərbaycan dili dərsləri başlayır
Xaricdə yaşayan soydaşlarımız üçün Azərbaycan dili dərsləri başlayır
Xaricdə yaşayan soydaşlarımız üçün “Ana dili – Azərbaycan məktəbi”nə qeydiyyat başladı!
AzTehsil.com Azərbaycan Gənc Müəllimlər Assosiasiyasına istinadən xəbər verir ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi və Azərbaycan Gənc Müəllimlər Assosiasiyasının təşkilatçılığı ilə həyata keçiriləcək layihənin məqsədi xaricdə yaşayan soydaşlarımıza ana dilini, milli kimliyi öyrətmək, milli şüurlu insan kapitalı formalaşdırmasını və qorunmasını təmin etməkdən ibarətdir.
Yaş qrupları:
Kiçik yaş qrupu: 6–10 yaş
Orta yaş qrupu: 11–13 yaş
Yuxarı yaş qrupu: 14–18 yaş
Tədris prosesi:
Onlayn dərslər 15 sentyabr 2025-ci ildən etibarən başlayacaq.
Dərslər həftədə 2–3 dəfə olmaqla onlayn şəkildə keçiriləcək.
Təcrübəli müəllimlər tərəfindən tədris edilən dərslər interaktiv və maraqlı formada aparılacaq.
Proqram 3 səviyyədə – başlanğıc, orta, yüksək – olmaqla hazırlanıb.
Müraciət və seçim:
Layihədə iştirak etmək istəyən şəxslər yaş qruplarına, dil bilik səviyyələrinə və vaxt zonalarına uyğun olaraq qruplara bölünəcəklər və dərslərə qoşulacaqlar. Bunun üçün əvvəlcədən təşkil ediləcək qısa dil yoxlamasından keçmək tələb olunur.
Qeyd edək ki, proqramı uğurla başa vuran iştirakçılara Azərbaycan dilini bilmə səviyyəsinə uyğun sertifikat təqdim olunacaq.
Qeydiyyat üçün link: //forms.gle/VNgBnBysP4Mzb9rHA
