Xəbərlər / Ziyalılar / Direktor / Müəllim / Cəmiyyət / Manşet / Bölgə / Şagird
27 avqust 2025
851
Kəlbəcərdə şagirdlər bu məktəbdə oxuyacaq - RƏSMİ
Kəlbəcər şəhəri Bəhmən Cəfərov adına 1 nömrəli tam orta ümumtəhsil məktəbinin sentyabr ayından işğaldan azad olunmuş Kəlbəcər şəhərində fəaliyyətə başlaması nəzərdə tutulub.
AzTehsil.com xəbər verir ki, bu barədə sorğusuna cavab olaraq Şərqi Zəngəzur Regional Təhsil İdarəsindən məlumat verilib.
Bildirilib ki, məktəb 108 nəfər şagird yerlik olmaqla modul tipli binada fəaliyyətə başlayacaq.
Kəlbəcərə köç edən şagirdlər təhsillərini bu modul tipli binada davam etdirəcəklər.
Xatırladaq ki, hazırda Kəlbəcərdə yeni məktəb tikilir. Bu barədə Prezident İlham Əliyev Kəlbəcərə səfəri zamanı bildirib. Məktəbin gələn il istifadəyə verilməsi nəzərdə tutulub.
