Balakən və Zaqatala rayonlarında illik hesabat iclasları keçirilib
Balakən və Zaqatala rayonlarında illik hesabat iclasları keçirilib.
AzTehsil.com xəbər verir ki, Balakən və Zaqatala rayonlarında 2024–2025-ci il tədris ilinə dair fəaliyyətin yekunlarına həsr olunmuş illik hesabat iclası təşkil olunub.
İclasda Şəki-Zaqatala Regional Təhsil İdarəsinin müdir müavini Hafiz Pənahov, İdarənin Tədrisin keyfiyyəti sektorunun müdiri Alqış Həsrətov, rayon təhsil sektorlarının rəhbərləri, əməkdaşları və ümumtəhsil məktəblərinin direktorları iştirak ediblər.
Hesabat iclasında Balakən və Zaqatala rayonları üzrə təhsil sektorlarının rəhbərləri hesabat təqdimatı ilə çıxış edərək 2024-2025-ci il tədris ili ərzində görülmüş işlər, həyata keçirilən layihələr, tədris prosesinin təşkili və əldə olunan nəticələr barədə geniş təqdimatla çıxış edib.
Daha sonra iştirakçılarla müzakirələr aparılıb, təkliflər dinlənilib və suallar cavablandırılıb.
Sonda yeni tədris ili üçün qarşıya qoyulan hədəflər müəyyənləşdirilib və təhsil işçilərinə fəaliyyətlərində uğurlar arzulanıb.
