Xəbərlər / Ekspert
03 oktyabr 2021
7 231
“2 həftə sonra tədris dayandırılacaq” xəbəri ilə bağlı açıqlama
"Əziz dostlar, həmkarlar. Çox təəssüflər olsun ki, bəzi sosial şəbəkələrdə keçən ilə aid olan fikir təzə xəbər kimi təqdim edilir”.
Bunu "Tehsil.biz”ə açıqlamasında təhsil eksperti Kamran Əsədov bildirib.
Belə ki, bəzi səhifələr ekspertin ötən il dediyi fikirləri bu gün paylaşaraq ictimaiyyət arasında yersiz narahatlığa səbəb olub.
Mövzu barədə açıqlama verən təhsil eksperti qeyd edib:
"Bəli, bu fikirləri 2020-ci ilin sentyabrında demişdim və bu baş verdi.
Bu il isə, 2021-ci ildə epidemioloji vəziyyət yaxşıdır, məktəb və universitetlər tam nəzarətdədir, vaksinasiya prosesi yüksək səviyyədə təşkil olunub.
Dezinfeksiya tədbirləri gücləndirilib, insanlar qaydalara riayət edirlər.
Çox təəssüflər olsun ki, profilim 27 sentyabrda Vətən Müharibəsinin anım günü ermənilər tərəfindən şikayət edilərək bir müddətlik bloklanıb.
Bunu fürsət bilənlər adımdan istifadə edərək həqiqəti əks etdirməyən fikirlər paylaşırlar.
Bir daha qeyd edirəm ki, bu informasiya həqiqəti əks etdirmir və mənim tərəfimdən bu il ifadə olunmayıb.
Zəhmət olmasa maksimum bunu paylaşaq ki, insanlar narahat olmasın.
Tədris ili yüksək səviyyədə başlayıb, hər şey qaydasındadır, şagird və tələbələrin, müəllimlərin əhval-ruhiyyəsi yaxşıdır. Kimilərisə bu mənzərə narahat edir”.
Fəqan Əzimli
