Xəbərlər
17 sentyabr 2021
935
“İki” alan tələbələrin pandemiyada əlaçı olması iddiasına nazirlikdən REAKSİYA
Təhsil Nazirliyi 2-3 qiymət alan tələbələrin pandemiya dövründə əlaçı qiyməti alması ilə bağlı iddiaya münasibət bildirib.
Oxu.Az-ın məlumatına görə, nazirliyin Elm, ali və orta ixtisas təhsili şöbəsinin müdiri Nicat Məmmədli "Media və təhsil dialoqu” mövzusunda keçirilən təlimdə bununla bağlı deyib:
"2-3 adama baxıb toplum haqqında fikir yürüdə bilmərəm. Bizim əlimizdə hansısa ciddi faktlar yoxdur ki, 2-3 alan tələbələrin böyük hissəsi pandemiya vaxtı əlaçı olublar. Ola bilsin ki, qiymətlərdə hansısa dəyişiklik olub, bu dəyişikliyin mahiyyəti vəziyyətlə əlaqədar tələbələrə olan güzəştlərlə bağlıdır. Biz problemləri görməliyik, analiz etməliyik, çıxış yolları göstərməliyik”.
"Müxtəlif dövlət qurumları da müvafiq araşdırmalara başlayıb. Biz artıq yeni metodologiyanın yaradılması üzərində düşünməliyik”- deyə o qeyd edib.
