Xəbərlər / Müəllim
19 avqust 2021
871
“SABAH” qruplarında işləmək üçün müraciətlər qəbul olunur
Təhsil Nazirliyinin "SABAH” qruplarında 2021/2022-ci tədris ilinin payız semestrində müxtəlif fənlərin tədrisini aparmaq məqsədilə professor-müəllim heyəti və mütəxəssislərin işə qəbulu ilə əlaqədar müsabiqəyə müraciətlər qəbul olunur.
Bu barədə Təhsil Nazirliyindən məlumat verilib. Bildirilib ki, müsabiqədə magistr dərəcəsi, yüksək səviyyədə İKT və sahə bilikləri olan, innovativ tədris metodlarından istifadə edə bilən, eyni zamanda, müasir pedaqoji yanaşmalara malik, dinamik, pozitiv və ünsiyyətcil namizədlər iştirak edə bilərlər. Qeyd edilən tələblərə cavab verən namizədlər avqustun 21-i saat 00:00-dək müraciət formasını doldurmalıdırlar.
Müvafiq fənlər üzrə vakant yerlərin siyahısı müraciət formasında qeyd edilib. Hər bir namizəd ixtisasına uyğun vakant yerlər üzrə ən çox iki fənn üçün müraciət edə bilər. Qeydiyyat ilə bağlı sual yarandıqda [email protected] ünvanına müraciət etmək olar.
