Xəbərlər / Müəllim
12 iyun 2021
1 417
Müəllim saçlarını uzatdığı üçün həbs olundu - FOTO
Pakistanlı müəllim saçlarını uzun saxladığı üçün həbs olunub.
Bununla bağlı "Vice” xəbər yayıb.
Həm də teatr aktyoru olan 28 yaşlı Abuzər Madhu polislər tərəfindən küçədə gündə üç dəfə yoxlanıldığını, amma buna qədər heç vaxt saxlanılmadığını bildirib.
Bir dəfə isə polis onu buraxmayıb. Zabitlər onun görünüşünün peşəsi ilə uyğun gəlmədiyini deyiblər.
"Siz özünüzü güzgüdə görmüsünüz? Uşaqlara bu görünüşdə necə dərs keçmək olar? Siz buna görə cəzalandırılacaqsınız”, - deyə onlar bildiriblər.
Polis məntəqəsində gəncin çantasından ancaq dərs kitabları olsa da Madhu gecəni həbsxanada keçirməli olub.
Müəllim bu olanlara etiraz kimi saçlarının uzunluğunu saxlamaq niyyətində olduğunu bildirib.
"Gələcəkdə saçlarımı kəsdirməli olsam, bu ancaq mənim dəyişiklik istədiyim üçün olacaq. Heç bir zaman bunu qorxumdan etməyəcəyəm”, - deyə o bildirib.
