Uşaqlar və valideynlər haqqında araşdırma

Uşaqlar həm də valideynlərin ömrünü uzadırmış.

Portuqaliya və Avstriyanın Klaqenfurt universitetinin alimləri uşaqların doğulmasının onların valideynlərinin ömrünü uzatması barədə maraqlı araşdırma raportu yayıb.

Avstriyanın "Der Standart” qəzetinin məlumatına görə, araşdırmaçılardan Klaqenfurt universitetinin alimi Paul Şvayntser və Portuqaliyanın Minyu universitetindən Migel Portela valideynlər arasında infeksiya, xərçəng, ürək xəstəlikləri, habelə bədbəxt qəzalardan, intiharlardan və ya qətllərdən ölüm riskinin az olduğu qənaətinə gəliblər.

Tədqiqatçılar bunun üçün İngiltərə və Uelsdə 1971-2011-cil dövrü ərzində siyahıya alınan 205 min 277 adamın məlumatlarını analiz ediblər. Onlardan 39%-i artıq vəfat edib. Alimlər həmin şəxslərin sosial statusu, yaşları, ailə vəziyyəti, zaman və ölüm səbəbləri, habelə uşağının olması arasında statistik asılılığı öyrəniblər.

Onlaırn gəldikləri fikrə görə, uşağı olan qadınlarda xərçəngdən ölmək riski 72,5% sonsuz qadından daha çoxdur. Məsələn, uşaqsız 70 yaşlı qadın üçün xərçəngdən ölmənin qəti riski 1,4% olduğu halda övlada malik qadıanlarda bu 0,3% təşkil edir.

Eyni vəziyyəti kişilərə də aid etmək olar. Məsələn, uşaqsız kişlilərlə müqayisədə övlad sahibi ataların infeksiya xəstəliklərinə tutulma riski üçdə bir dəfə, xərçəng və infarktdan ölüm halı üçdə iki dəfə, bədbəxt hadisə, qətl və intihardan ölüm hadisələrindən isə yarıbayarı azdır.

Araşdırmada varlı adamlardan başqa uşaqlı şəxslərin də ömrünün uzun olması xüsusi təəccüblə qeyd olunub.

Musavat.com