Xəbərlər
16 dekabr 2019
8 151
Təhsil naziri Ceyhun Bayramovun əmri
Zərdab Rayon Təhsil Şöbəsinə müdir təyinatı olub.
AzTehsil.com Zerdab.com-a istinadən xəbər verir ki, Təhsil naziri Ceyhun Bayramovun müfaviq əmri ilə bu vəzifəyə əməkdar müəllim Gülağa İsgəndərov təyin edilib.
Gülağa İsgəndərov bu təyinatadək Zərdab rayon Gəlmə kənd orta məktəbində direktor vəzifəsində çalışıb.
Qeyd edək ki, bundan əvvəl Zərdab Rayon Təhsil Şöbəsinin müdiri Lalə Əmirəliyeva olub.
G. İsgəndərov 1963-cü ilin fevral ayının 6-da Zərdabda anadan olub.
1981-86-cı illərdə Bakı Dövlət Universitetinin Coğrafiya fakültəsində təhsil alıb.
1995-ci ildən 2007-ci ilin aprel ayına kimi Zərdab rayonunun Salahlı kənd orta məktəbində direktor vəzifəsində çalışıb.
2007-ci ilin aprel ayının 2-dən etibarən isə Gəlmə kənd orta məktəbinə direktor təyin edilib.
Onun direktoru olduğu Gəlmə kənd orta məktəbi 2012-ci ildə "İlin ən yaxşı məktəbi” müsabiqəsinin qalibi olub.
2016-cı ildə isə Azərbaycan Respublikasının Prezidenti İlham Əliyevin sərəncamı ilə Gülağa İsgəndərov "Əməkdar müəllim” fəxri adına layiq görülüb.
Onun direktoru olduğu məktəbin komandası 2 dəfə "Cəsurlar” hərbi-idman və turizm oyunlarının respublika final mərhələsinin qalibi olub.
G. İsgəndərovun direktoru olduğu məktəb məzunlarının ali məktəblərə qəbul statistikasına görə Zərdabda ön sıralarda yer alıb.
