MƏZUNLAR BİR İLKƏ İMZA ATDILAR.

Sərdar Cavadov adına Böyük Əmilli kənd tam orta məktəbin direktoru Məhərrəmov Vüsalın rəhbərliyi ilə valideyin komitəsinin sədri Şəfiyev Mehman həmin məktəbin müəllim kollektivi və XI sinif məzunları 16 iyun 2019 –cu il tarixində Şəki şəhərində yerləşən "Qarışıq tipli Uşaq evini” ziyarət etmişdirlər.

Qeyd edək ki, istər Qəbələ şəhər istərsədə digər bölgələrdə XI sinif məzunları məktəbdə təşkil olunan "Son zəng” tədbirindən sonra müxtəlif istirahət və əyləncə yerlətinə gedirlər, lakin Böyük Əmilli kənd tam orta məktəbinin məzunları bu ənənədən kənara çıxaraq bir ilkə imza atmışlar.

Müəssisə rəhbərliyi tərəfindən xoş qarşılanan kollektiv müəssisədə tərbiyə olan uşaqlara apardıqları sovqatlarla xeyli sevindirmişlər.

Kollektiv üzvləri usaqları əyləndirməyidə unutmamışlar. Şəfiyev Mehmanın təşkilatçılığı altında tədbir keçirilmişdi. Tədbir Azərbaycan Respublikasının Dövlət himni ilə başlamışdir. Tədbirdə XI sinif məzunlarının hazırladıqları müxtəlif səhnəciklər yer almış, musiqili proqram hazırlanmışdır. Həmçinin, uşaq evindəki uşaqların rəqs nömrələri izlənilmiş, söylədikləri şeirlər dinlənilmişdir. Xüsusən, Cəfərova Fidan İlqar qızının özünün müəllifi olduğu "Ana” şerini söyləməsi kollektiv üzvlərini qəhərləndirmiş və yaddaşlara əbədi xatirə olaraq yazılmışdır.

Sonda Vüsal Məhərrəmov və Mehman Şəfiyev uşaq evində yaradılmış yüksək şəraitə və valideyin himayəsindən məhrum olmuş uşaqlara göstərilən diqqət və qayğıya görə cənab Prezident İlham Əliyev və onun xanımına öz minnətdarlıqlarını bildirmişlər. Kollektiv üzvləri isə Tədbirin təşkili üçün yaratdıqları şəraitə görə Müəssisə rəhbərliyinə təşəkkür etmiş, uşaqlarla görüşdən çox böyük mənəvi zövq aldıqlarını qeyd etmişlər.