Xəbərlər / Müəllim
06 avqust 2018
3 023
MİQ-in vakansiya seçimindəki səhv etiraf edildi – RƏSMİ
İnsan Resursları Mərkəzi texniki səhvi aqustun 3-də aşkarlayıb və namizədlərin hər biri səhv barədə məlumatlandırılıblar”
Aztehsil.com xəbər verir ki, bu sözləri Təhsil İşçilərinin Peşəkar İnkişafı İnstitutunun İnsan Resursları Mərkəzindən AzEdu.az-a bildiriblər. Məlumatda texniki səhvin aradan qaldırıldığı qeyd olunub:
"Yerli təhsil idarəetmə orqanı tərəfindən səhvən Ağdam rayon 35 nömrəli tam orta məktəb həvəsləndirmə tədbiri tətbiq olunan təhsil müəssisəsi kimi qeyd olunduğundan test mərhələsində 36-47 bal aralığında nəticə göstərən namizədlərin sözügedən təhsil müəssisəsindəki vakant yerləri seçməsi texniki baxımdan mümkün olub. İnsan Resursları Mərkəzi texniki səhvi aqustun 3-də aşkarlayıb və namizədlərin hər biri səhv barədə məlumatlandırılıblar. Sistemdə cari dəyişiklik edilib, avqust ayının 3-dən sonra yalnız 48 baldan yüksək nəticə göstərən namizədlərin həmin məktəbdə qeyd olunan vakant yerləri seçməsi təmin edilib”.
Qeyd edək ki, Ağdam rayonu 35 nömrəli tam orta məktəb üzrə vakansiya seçimində keçid balını toplamayan namizədlər texniki səhv səbəbiylə həmin məktəb üzrə vakant yer seçimi edə biliblər.
