Xəbərlər / Cəmiyyət
31 avqust 2017
3 009
Ali məktəblərin boş qalan plan yerləri və 11 illik bazada kolleclərə qəbul olan abituriyentlərin qeydiyyatı başa çatıb
Ali təhsil müəssisələrinin boş qalan plan yerlərinə və tam (11 illik) orta təhsil bazasında orta ixtisas təhsili müəssisələrinə (kolleclərə) qəbul olan abituriyentlərin qeydiyyatı başa çatıb.
Dövlət İmtahan Mərkəzindən verilən xəbərə görə, proses bu gün saat 17:00-da yekunlaşıb.
Abituriyentlər 31 avqust saat 17:00-dək sənədlərini daxil olduqları təhsil müəssisəsinə təqdim etməklə qeydiyyatdan keçməli idilər. Göstərilən müddətə qədər qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndirilir və onun qəbul haqqında əmri tədris müəssisəsinə göndərilmir.
