Xəbərlər
13 noyabr 2020
1 299
UNEC-də Qarabağ iqtisadiyyatı ilə bağlı müzakirələr
Azərbaycan İqtisad Universitetində (UNEC) Qarabağ iqtisadiyyatı ilə bağlı müzakirələr təşkil olunacaq.
Universitetdən bildirilib ki, UNEC-in Tədqiqat mərkəzlərinin təşkilatçılığı ilə keçiriləcək 3 günlük tədbirlərdə Ermənistan işğalının Azərbaycana vurduğu zərər, onun metodologiyası və ilkin qiymətləndirilməsi araşdırılacaq. Həmçinin Qarabağın azad edilməsinin Türk dünyasına iqtisadi təsirləri təhlil ediləcək, eləcə də müharibədən sonrakı dövrdə Qarabağın iqtisadiyyatı, onun Regional İnnovasiya-Texnoloji Mərkəzin və dəyər zəncirinin mühüm həlqəsi kimi rolu ilə bağlı müzakirələr aparılacaq.
Müzakirələr UNEC-in tədqiqat mərkəzlərinin rəhbərləri ilə yanaşı, millət vəkilləri, İqtisadiyyat Nazirliyinin rəsmiləri, ölkənin aparıcı iqtisadçıları, eləcə də Qarabağ iqtisadiyyatını araşdıran türkiyəli alimlər tərəfindən aparılacaq.
Tədbirlər 16, 18 və 20 noyabr tarixlərində saat 11:00-da UNEC-in rəsmi Facebook səhifəsi üzərindən canlı yayımlanacaq.
Müzakirələrin sonunda mövzu ilə bağlı izləyicilərin sualları cavablandırılacaq.
UNEC Qarabağ iqtisadiyyatı ilə maraqlanan hər kəsi müzakirələrdə iştirak etməyə dəvət edib.
