Xəbərlər
15 may 2020
1 940
Nazirlər Kabineti rəsmisi karantinin yumşaldılmasının fəsadlarını açıqladı – RƏSMİ
"Ölkədə elan edilən xüsusi karantin rejimində yumşaldılma olarkən yoluxma hallarında artım müşahidə olunub. Amma vəziyyət idarəediləndir”.
Bunu Nazirlər Kabineti yanında operativ qərargahın keçirdiyi mətbuat konfransında qurumun Mətbuat Xidmətinin rəhbəri İbrahim Məmmədov deyib.
O qeyd edib ki, ötən dövrdə aidiyyəti qurumlar təşkilati, tibbi-müalicəvi təcrübə əldə ediblər:
"Aidiyyəti qurumlar ciddi maddi-texniki baza yaratmağa nail olublar. Bütün bunlar imkan verir ki, koronavirusla mübarizə ilə yanaşı, həyatımıza davam edək və işləyək. Növbəti mərhələ də bunu nəzərdə tutur.
Ölkəmiz iki ay ərzində koronavirusla aktiv mübarizə mərhələsində olub. Bu mübarizədə lazım olan avadanlıqların istehsalı təmin edilib, bəzi məhsullarla bağlı xaricdən asılılığı minimuma endirmişik, bir çoxları üzrə isə özümüzü təmin edirik”
