Xəbərlər
25 yanvar 2020
1 466
DİM müsahibə mərhələsi üzrə qeydiyyatdan keçən namizədlərə müraciət edib
Dövlət İmtahan Mərkəzi (DİM) 13 yanvar 2020-ci il tarixində elan edilmiş müsabiqənin müsahibə mərhələsi üzrə qeydiyyatdan keçən namizədlərə müraciət edib.
DİM-dən APA-ya verilən məlumata görə, müraciətdə bildirilir ki, "Azərbaycan Respublikasının vahid büdcə təsnifatının təsdiq edilməsi barədə” Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli Qərarında dəyişiklik edilməsi haqqında” Azərbaycan Respublikası Nazirlər Kabinetinin 28 dekabr 2019-cu il tarixli 514 nömrəli Qərarının 4-cü hissəsinə uyğun olaraq, "Azərbaycan Respublikasının büdcə xərclərinin inzibati təsnifatı” yeni redaksiyada verilmiş, habelə həmin Qərarda bir sıra dəyişikliklər edilib.
Eyni zamanda, "Azərbaycan Respublikasının vahid büdcə təsnifatının təsdiq edilməsi barədə” Azərbaycan Respublikası Nazirlər Kabinetinin 2018-ci il 11 oktyabr tarixli 440 nömrəli Qərarında dəyişikliklər edilməsi haqqında” Azərbaycan Respublikası Nazirlər Kabinetinin 1 may 2019-cu il tarixli 198 nömrəli Qərarının 2-ci hissəsinə uyğun olaraq, 1 yanvar 2020-ci il tarixindən "Azərbaycan Respublikası vahid büdcə təsnifatının təsdiq edilməsi barədə” Azərbaycan Respublikası Nazirlər Kabinetinin 2004-cü il 6 oktyabr tarixli 149 nömrəli Qərarı ləğv edilib.
