Təhsil islahatları bölgə müəlliminin gözü ilə

Son illərdə təhsilimizdə müəllimlərin test üsulu ilə işə qəbulu və yerdəyişməsi təhsilimizə savadlı kadrların gəlməsi nəticəsində təhsilin keyfiyyətinin yüksəlməsinə böyük təsiri olacaqdır.İndi hətta kolleclərə qəbul test müsabiqəsi ilə yerinə yetirilir.Nəticədə təhsilin bünövrəsini təşkil edən ibtidai sinif müəllimlərinin gənc və savadlı kadrların əvəzolunması ilə nəticələnər.Beləliklə, təhsilimizə yeni nəfəs verən savadlı ibtidai müəllimlərin gəlməyi , uşaqların taleyinin etibarlı əllərdə olacağından xəbər verir.Bundan başqa müəllimlik ixtisasını seçən yüksək bal toplayan tələbələrə aylıq əlavə təqaüdün verilməsi də təhsildə gələcəkdə daha savadlı kadrların olmasından xəbər verir.

Diaqnostik imtahan nəticəsindən müəllimlərin əmək haqlarını 30-40% artırılması və müəllimlərin dərs yükünün 24 saatdan 36 saata qədər qaldırılması müəllimlərin maddi durumunun gözəçarpan dərəcədə yaxşılaşmasından xəbər verir.Düzdür,rayon yerlərinin çoxunda diaqnostik imtahalarının olmamasına görə digər müəllimlərin maaşının artırılmaması müəllimlərə yaxşı təsir etmir.Müəllimlər indi hamısı imtahana hazırlaşır.Fasebook sosial şəbəkəsində on minlərlə müəllim imtahana həvəslə hazırlaşır.Bu Təhsil Nazirinin təhsilimizdə qələbəsi deyilmi?!

Aprel ayında direktorların imtahan yolu ilə seçilməsi nəticəsində direktorluğa layiq olmayanlar 13-20 balla kəsildi. Ölkədə Nazirə qarşı əks təbliğat aparan bu qüvvələr hücuma keçdi.Baxın nəyi bəhanə edirlər!1-ci sinfə qəbul prossesində neqativlər.Anlamıram, məgər təhsilin inkişafı 1-ci siniflə ölçülürmü?Orada rüşvət varsa,bununla prokurorluq məşğul olmalıdır.Kimin günahı nədirsə,cəzasını almalıdır.Bu qarayaxmadan başqa bir şey deyildir.Yeni direktorların seçilməyi hələ də sual altında qalıb.Səbəb isə çox sadədir.Təhsilə yeni nəfəs verən ləyaqətli,şərəfli,savadlı gəncləri görmək istəməyən kifayət qədər qüvvələr var.Bu cür qüvvələr,yəni 13-20 bal yığıb kəsilən direktorlar öz axırlarının olduğunu bilib digər müəllimlərə də Nazirin səriştəsizliyi barəsində əks təbliağat yaymaqla məşğuldurlar.Nazir barəsində saytlarda yalançı,şər və böhtan xarakterli məlumatlar verənlərin yeni direktorlar barəsində atdıqları çirkin addımları onların qısqanclığndan xəbər verir .

Bu gün Azərbaycanın taleyi Biz ziyalılardan aslıdır.Vətənini,Dövlətini,Xalqını sevən ziyalı belə anti-təbliağat aparan şəxslərin alətlərinə çevrilməməlidirlər.Həqiqəti söyləməlidirlər.Təəssüflər olsun ki,45 dəqiqə dərsi vicdanla keçməyən müəllimlərin təbliğatına,vicdanlı müəllimlərimiz də alət olub.Bu müəllimləri səbrli və ayıq olmağa səsləyirik.Biz demirik, 3 il müddətində çatışmazlıqlar olmayıb.Olub.Şəxsən bu barədə mən fikirlərimi də yazmışam.Səhvsiz insan yoxdur.Təhsilimizdə 3 il müddətində olan çatışmazlıqlar uğurların yanında nöqtə qədərdir.Əgər böyük çatışmazlıqlar varsa,izah olunmalıdır ki,nədir bu çaışmazlıqlar?Və həll yolu göstərilməlidir.İzah yoxdursa,demək, bunlar qarayaxmadan başqa bir şey deyil.Bu cür adamların məqsədi təhsili bərbad hala salıb məqsədlərini asalnlıqla həyata keçirtməkdir.

Son üç ildəki bu islahatlar sona qədər həyata keçiriləcəksə,Ölkəmiz Çiçəklənən Azərbaycana çevriləcəkdir.Balalarımızın naminə haqqın yanında olaq.Allah böyükdür.Gəlin,Allahla olaq!

Məmmədov Elşən.