Xəbərlər
15 yanvar 2017
3 420
Bir sinfin iki uğuru
Bir sinfin iki uğuru.
Göygöl rayon 6 nömrəli tam orta məktəbin VI sinif şagirdləri Elşən Mirzəyev və Ayşə Muradova dərsdən əlavə fəaliyyət kimi bəzi idman növləri ilə məşğul olurlar.
Elşən Mirzəyev futbol və şahmatla məşğul olur. Rayonun futbol komandasının üzvü olan Elşən bir çox yarışların iştirakçısı və qalibi olub.
"Bədən Tərbiyəsi və İdman Günü”nə həsr olunmuş Futbol idman növü üzrə 2003-2004-cü il təvəllüdlü idmançılar arasında keçirilən turnirdə üçüncü yeri tutduğuna görə Təhsil Respublika İdman Mərkəzinin Gəncə filialı tərəfindən təltif olunub.
Şahmat yarışlarında daim iştirak edib özünü təkmilləşdirən VI sinif şagirdi Elşən, Göygöl rayonunda keçirilən bir çox yarışların da qalibi olub.
Ayşə Muradova 6 aydır ki, cüdo idman növü ilə məşğul olur. İdmana hər zaman həvəsi olduğunu və bu sahədə daha da təkmilləşmək istədiyini deyən məktəbli qısa müddət ərzində müxtəlif yarışlarda I yerə layiq görülüb:
Azərbaycan Cüdo Federasiyasının qərb bölgəsi üzrə 2003-2005-ci il təvəllüdlü yeniyetmələr arasında respublika birinciliyində I yerə,
Gəncə Şəhər Təhsil İdarəsi 1 nömrəli Uşaq gənclər İdman məktəbinin 9 noyabr Bayraq Gününə həsr olunmuş Cüdo üzrə açıq birincilikdə I yerə layiq görülüb.
aztehsil.com
