Xəbərlər / Orta ixtisas
06 noyabr 2019
2 060
Fərqlənmə attestatı və iş təcrübəsi universitetə qəbul zamanı hansı güzəştə səbəb olur?-Cavab
Son günlərdə redaksiyamıza ali təhsil müəssisələrinə qəbul zamanı hansı amillərin nəzərə alınmasına dair suallar daxil olur.
Fərqlənmə attestatı, iş təcrübəsi və bu kimi digər amillərin universitetlərə qəbul zamanı nə kimi əhəmiyyət daşıdığı abituriyentlərin diqqət mərkəzindədir.
Mövzu ilə bağlı Dövlət İmtahan Mərkəzindən Aztehsil.az-a bildiriblər ki, hər bir abituriyent ali və ya orta ixtisas təhsili müəssisəsinə qəbul olmaq üçün DİM tərəfindən keçirilən qəbul imtahanlarında ümumi qaydada iştirak edərək arzu etdiyi ixtisasın müsabiqəsində müvəffəqiyyət qazanmalıdır.
Müsabiqə abituriyentin topladığı bal əsasında aparılır və bu zaman heç bir digər amil nəzərə alınmır.
Xatırladaq ki, 2020-ci ildə təşkil olunacaq ali təhsil müəssisələrinə qəbul imtahanlarının dəqiq tarixləri ilin əvvəllərində açıqlanacaq.
