Xəbərlər / Müəllim
25 iyul 2019
36 081
MİQ cavabları “Şəxsi kabinet”lərə bu tarixdə göndəriləcək
Müəllimlərin işə qəbulu üzrə müsabiqənin test imtahanı mərhələsinin cavabları 26 iyul tarixində namizədlərin şəxsi kabinetinə göndəriləcək.
Bu barədə Təhsil Nazirliyinin İnsan resursları şöbəsinin müdir müavini Murad Camalzadə bu gün keçirilən mətbuat konfransında məlumat verib.
Bildirilib ki, imtahanın təşkili zamanı 33 nəfərin imtahan nəticəsi ləğv olunub.
Məlumata əsasən, həmin şəxslər başqasına məxsus şəxsiyyət vəsiqəsi ilə gələn, imtahan zamanı danışan, imtahan zalına texniki avadanlıqlarla gələrək qayda pozuntusuna yol verənlərdirlər.
Qeyd edək ki, müəllimlərin işə qəbulu üzrə müsabiqənin test imtahanı mərhələsi 8-24 iyul tarixlərini əhatə edib. Test mərhələsində 48 204 nəfər iştirak edib. İmtahan verənlərdən 3 nəfər 60, 2 nəfər 59, 14 nəfər isə 58 bal toplayıb.
