Xəbərlər
23 dekabr 2016
9 432
Diaqnostik qiymətləndirmədə yüksək nəticə göstərən Göygöl rayon müəllimləri.
Dekabrın 2-4 tarixlərində Göygöl Olimpiya İdman Kompleksində keçirilən müəllimlərin bilik və bacarıqlarının diaqnostik qiymətləndirilməsində rayon üzrə ən yüksək nəticəni 58 balla Məlahət Quliyeva və Elnarə Cabbarova göstərib.
Göygöl rayon S.Vurğun adına 3 saylı tam orta məktəbin tarix müəllimi Məlahət Quliyeva 1986-1991-ci il Gəncə Dövlət Universitetinin tarix və ictimaiyyət fakültəsində təhsil alıb. 1992-ci ildən şəhər 3 saylı tam orta məktəbdə olaraq çalışan M.Quliyeva artıq 25 ildir ki, həmin məktəbdə tarix müəllimidir.
Məlahət müəllim dəfələrlə Göygöl Rayon İcra Hakimiyyəti və Rayon Təhsil Şöbəsi tərəfindən işindəki uğurlarına görə müxtəlif fəxri fərman və diplomlarla təltif olunub.
Göygöl şəhər İ.Novruzov adına 4 nömrəli tam orta məktəbin tarix müəllimi Elnarə Cabbarova orta təhsilini Gəncə şəhər 13 nömrəli tam orta məktəbdə alıb. 2005-2009-cu illərdə Gəncə Dövlət Universitetinin tarix fakültəsində təhsil alan E.Cabbarova Göygöl Rayon Təhsil Şöbəsi tərəfindən təşkil olunan kurikulum kurslarında dəfələrlə iştirak edib.
4 nömrəli tam orta məktəbdə V-XI sinif üzrə tarix fənnini tədris edən E.Cabbarova həmin məktəbdə müxtəlif vaxtlarda bilik yarışları təşkil edib. Şagirdlərin aktivliyinin artırılması, onların dünyagörüşü və həyati bacarıqlarının təkminləşməsi üçün təşəbbüskarlıq göstərib.
Raminə Məmmədova Göygöl rayonu
