Xəbərlər / Valideyn
16 iyul 2019
2 655
Məleykə Abbaszadənin vətəndaş qəbulunun vaxtı dəyişdirildi
Dövlət İmtahan Mərkəzinin Direktorlar Şurasının sədri Məleykə Abbaszadənin vətəndaş qəbulunun tarixi dəyişdirilib.
Şabran şəhərində keçirilməsi planlaşdırılan qəbulda Şabran, Quba, Qusar, Xaçmaz, Siyəzən, Xızı rayon sakinləri və həmin rayonlarda məskunlaşmış məcburi köçkünlərin iştirakı nəzərdə tutulur.
Qəbul iyulun 23-ü saat 11:00-da Şabran şəhər Heydər Əliyev Mərkəzində (H.Əliyev pros., 60a) keçiriləcək.
Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri və ya DİM-in Xaçmaz Regional Bölməsinə müraciət etmələri (əlaqə telelefonu: 023 325 01 21) xahiş olunur.
Bundan əlavə, qeydiyyata yazılmaq istəyən vətəndaşlar Şabran Rayon Təhsil Şöbəsinə də müraciət edə bilərlər.
