Xəbərlər / Abituriyent
07 iyul 2019
3 377
DİM-dən xəbərdarlıq: “Ötənilki keçid balları ilə ixtisas seçimi etməyin”
Abituriyentlər ixtisas seçərkən diqqətli olmalı, ötən illərdə formalaşmış keçid ballarına istinad etməməlidirlər.
Hər il "Abituriyent” jurnalının xüsusi buraxılışında kolleclərin ixtisasları üzrə formalaşmış keçid balları dərc edilir.
Lakin bu il qəbul imtahanı qaydaları və qiymətləndirmə şkalası (300 bal) əvvəlki illərdən fərqli olduğu üçün ayrıca keçid balları jurnalının dərc olunması nəzərdə tutulmur. Abituriyentlər ixtisas seçərkən diqqətli olmalı, ötən illərdə formalaşmış keçid ballarına istinad etməməlidirlər.
Abituriyentlərin bilikləri bu il 300 ballıq şkala ilə qiymətləndirilir. Hər hansı bir ixtisas üzrə ötənilki keçid balı bu il ixtisas seçimi zamanı istiqamət götürməkdə oriyentir rolunu oynamır və abituriyentər bunu nəzərə almalıdırlar.
