Xəbərlər
05 iyun 2019
2 081
Məktəblər arasında respublika çempionatının qalibləri mükafatlandırılıb
Azərbaycan Dövlət Bədən Tərbiyəsi və İdman Akademiyasında məktəblər arasında respublika çempionatı qaliblərinin mükafatlandırılması mərasimi keçirilib.
AzTehsil.com AZERTAG -a istinadən xəbər verir ki, mərasimdə təhsil naziri Ceyhun Bayramov ölkəmizdə təhsilin və idmanın inkişafına xüsusi önəm verildiyini qeyd edib və bu sahənin inkişafı istiqamətində həyata keçirilən tədbirlərin əhəmiyyətindən danışıb.
Gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə və digər çıxış edənlər respublikamızda idman sahəsinə göstərilən diqqət və qayğıdan bəhs ediblər.
Bildirilib ki, dörd idman növü üzrə məktəblər arasında keçirilmiş respublika çempionatına ümumilikdə 202 mindən çox şagird qatılıb və çempionatın qalibləri müəyyənləşdirilib.
Tədbirdə qaliblərə mükafatlar təqdim olunub.
