Xəbərlər
06 aprel 2019
2 283
Türkiyədə azərbaycanlı tələbə 5-ci mərtəbədən yıxıldı-Vəziyyəti ağırdır
Türkiyədə azərbaycanlı tələbə yataqxana binasından yıxılıb.
Hadisə ötən gün axşam saatlarında Karaman şəhərinin Fenari məhəlləsində Molla Fenari prospektində qeydə alınıb.
Karamanoğlu Mehmetbey Universitetində tibb təhsili alan 20 yaşlı Həmdəmin Balakişiyev qaldığı tələbə yataqxanasının 5-ci mərtəbəsindəki mənzilin pəncərəsindən düşərək ağır xəsarət alıb.
Qeyd olunur ki, H.Balakişiyev epilepsiya (qıcolma) xəstəliyindən əziyyət çəkirmiş. Tələbə yoldaşları onun hava almaq üçün pəncərəyə yaxınlaşdığını, ancaq epilepsiya tutması nəticəsində müvazinətini itirərək, təxminən, 15 metr yüksəklikdən beton səki üzərinə düşdüyünü bildiriblər. Müxtəlif dərəcəli ağır bədən xəsarətləri alan azərbaycanlı tələbə ilkin tibbi yardım göstərildikdən sonra Karaman Dövlət Xəstəxanasına çatdırılıb.
Onun vəziyyətinin ağır olduğu bildirilir. Faktla bağlı araşdırma aparılır.
