Xəbərlər
17 noyabr 2016
5 208
Şabran rayon Zeyvə kənd tam orta məktəbdə 17 noyabr ― Milli Dirçəliş Günü münasibətilə dəyirmi masa təşkil olunub
Noyabrın 15-də Ş. Nuriyev adına Zeyvə kənd tam orta məktəbdə 17 noyabr ― Milli Dirçəliş Günü münasibətilə dəyirmi masa təşkil olunub.Tədbirdə məktəbin direktoru A. Quliyev, tərbiyə işləri üzrə direktor müavini Ə. Baloğlanov, fənn müəllimləri və məktəbin şagirdləri iştirak ediblər.Tədbir Azərbaycan Respublikası Dövlət himninin səslənməsi ilə başlanıb.Bunun ardınca, 3 aprel 2016-cı il tarixdə düşmən təxribatının qarşısını alarkən şəhid olmuş Babək Abıdovun və bütün şəhidlərin xatirəsi sükutla yad edilib.
Tədbirdə məktəbin Azərbaycan dili və ədəbiyyatı müəllimi E. Məlikov çıxış edərək 1988-ci ildə azərbaycanlılara qarşı törədilmiş vəhşiliklərdən, milli azadlıq hərəkatının başlanmasından, azərbaycanlıların qərbi Azərbaycan torpaqlarından növbəti dəfə zorla qovulub çıxarılmasından söz açıb.Daha sonra 1988-ci il hadisələrinin canlı şahidi olan coğrafiya müəllimi Ə. Məmmədov həmin dövrlə bağlı xatirələrini bölüşüb və məktəbin direktoru ― tarix müəllimi A. Quliyevin məruzəsi dinlənilib.
Sonda məktəblilər Milli Dirçəliş Günü və vətənə münasibətlə bağlı fikirlərini ifadə ediblər.
Gülər Hüseynova .Şabran
