Müəllim olmaq istəyim, arzum lap ibtidai sinifdə oxuyandan başlayıb

2016-cı il iyunun 16 da Təhsil Nazirliyi tərəfindən keçirilmiş müsabiqədə yerdəyişmə imtahanı nəticəsində Samux rayon Əhmədbəyli kənd tam orta məktəbinə musiqi müəllimi kimi qəbul olunmuş Quliyeva Ayşən, 1993-cü ildə Tovuz rayon Düz Qıraqlı kəndində doğulub. 2011-ci ildə orta məktəbi bitirərək Gəncə Dövlət Universitetinin Musiqi müəllimliyi fakültəsinə daxil olub. 2015-ci ildə ali təhsilini müvəffəqiyyətlə başa vurduqdan sonar, elə həmin il müəllimlərin işə qəbulu musabiqəsində uğur qazanaraq Tərtər rayon Xoruzlu kənd tam orta məktəbinə musiqi muəllimi təyin olunub.

Bu gün yeni müəllimlik peşəsinə başlamış Ayşən müəllimin işlədiyi Əhmədbəyli kənd tam orta məktəbinə gedərək, həm müəllimin iş fəaliyyəti ilə tanış olduq, həm də öz təəssuratlarını öyrəndik:

Müəllim olmaq qərarına necə gəldiniz ?

Müəllim olmaq istəyim, arzum lap ibtidai sinifdə oxuyandan başlayıb. İbtidai sinif müəllimim Şöhrət müəllimə borcu sayıram məndə bu həvəsi yaratdığına görə.

Ailəniz və yaxınlarınızın yaşadığınız yerdən belə uzaqda işləmənizə münasibəti necədir?

Mənim bu sənəti sevdiyimi, ona necə bağlı olduğumu ailəm çox yaxşı bilirdi. Bu səbəbdən onlar hər zaman məsafə uzaqlığından asılı olmayaraq mənə bu işimə daha da həvəslə yanaşmağıma, özümə dəstək oldular

İlk vaxtlar və daha sonra məktəb kollektivinin sizə qarşı münasibəti necə oldu ?

Məktəb kollektivi ilk vaxtlar normal səmimiyyət vardı, amma zaman keçdikcə çox mehriban və xoş ünsiyyətimiz alındı, mənə yeni mühitə uyğunlaşmağıma köməklik göstərdilər, özümü yad kollektivdə yad biri kimi hiss etməyimə imkan vermədilər.

Şagirdlərin sizin dərsə marağı necədir?

Məncə şagirdlərdə istənilən fənnə qarşı maraq yaranmasında müəllimin rolu böyükdür. Öz fənnimə qarşı da şagirdlərdə yüksək maraq və həvəs yarada bildiyim üçün cox xoşbəxtəm.

Sonda müəllim olmaq istəyən şəxslərə tövsiyəniz varmı?

Müəllim olmaq istəyən şəxslərə tövsiyəm odur ki, çalışın seçdiyiniz bu sənəti sevin, cünki sevginiz , istəyiniz olduqdan sonar qarşınıza çıxa biləcək hər bir çətinliyin öhtəsindən gələcəksiniz. Öz həmkarlarıma və müəllim olmaq arzusunda olan hər kəsə uğurlar arzulayıram.

Nurəddin Babayev .Samux.