Xəbərlər
02 noyabr 2016
5 205
Ağstafa rayonunun Yuxarı Göycəli kənd tam orta məktəbində riyaziyyat və informatika fənn müəllimlərinin seminarı keçirilib
Noyabrın 2- də Ağstafa rayonunun Yuxarı Göycəli kənd tam orta məktəbində riyaziyyat və informatika fənn müəllimlərinin seminarı keçirilib. Seminarda fənn müəllimlərinin müasir təlim metodlarından və İKT- dən istifadə etməklə nümunəvi açıq dərsləri təşkil edilməsi, kurikulum proqramının tələblərinin nəzərə alınması söylənilib.
Ağstafa Rayon Təhsil Şöbəsinin riyaziyyat- informatika fənni üzrə metodisti Vəfa Maxanova tərəfindən dərslər dinlənilib və müəllimlərə metodiki köməklik göstərilib. Seminarın keçirilməsində məqsəd məktəblərdə müəllimlərin metodiki biliklərini və peşəkarlıq səviyyəsini artırmaq, müəllimlər arasında qabaqcıl təcrübənin öyrənilməsi, dərslərin müasirləşdirilməsi və yeni təlim proqramlarına uyğun olaraq təşkili, məzmun standartlarının reallaşdırılması, şagird nailiyyətlərinin qiymətləndirilməsi və s. sahələrdə yeniliklərin həyata keçirilməsidir.
Nəcibə Vəliyeva. Ağstafa
