Xəbərlər
01 noyabr 2016
5 144
Ağstafa - Hikmət Ziyanın “Qarabağda şeirində təsvir və ifadə vasitələri” mövzusunda açıq dərs keçirilib
Oktyabrın 31 də Vurğun qəsəbə tam orta məktəbinin Azərbaycan dili və ədəbiyyat müəllimi Türfə Abbasova tərəfindən 6 a sinfində Hikmət Ziyanın "Qarabağda şeirində təsvir və ifadə vasitələri” mövzusunda açıq dərs keçirilib. Dərsdə şagirdlər 4 adda qrupa bölünüblər. Müasir təlim üsulları əsasında keçirilən dərsdə uşaqlar fəal iştirak ediblər. Şagirdlər BİÖB üsulu vasitəsi ilə bildiklərini söyləyib və bilmədiklərini öyrəniblər. Fərdi və kollektiv şəkildə verilən sualları cavablandıran şagirdlər dərsin sonunda müəllim tərəfindən qiymətləndiriliblər.
Dərsdə Rayon Təhsil Şöbəsinin əməkdaşları, məktəb direktoru, direktor müavinləri və müəllimlər müşahidəçi qismində iştirak ediblər.
Nəcibə Vəliyeva Ağstafa
