Xəbərlər
27 oktyabr 2016
4 085
Ağstafanın kənd məktəblərində məktəbəhazırlıq və ibtidai siniflərdə dərs deyən müəllimlərin seminarı keçirilib.
Oktyabr ayının 25-də Ağstafa rayon Yuxarı Göycəli kənd tam orta məktəbində məktəbəhazırlıq və ibtidai sinif lərdədərs deyən müəllimlərin seminarı keçirilib. Beşyaşlıların məktəb təliminə hazırlığı məsələləri, təlimin təşkilinə verilən tələblər, forma və üsullar, təlim materiallarının planlaşdırılması, məşğələlərin səmərəli təşkili, inkişafetdirici mühitin yaradılması və s. məsələlər seminarda müzakirə olunub. Eyni zamanda ibtidai sinif müəllimlərinin tədris zamanı istifadə etdiyi forma və üsullar, təlimdə istifadə olunan əyani vəsaitlər barədə danışılıb. Məktəbəhazırlıq və ibtidai sinif lərdə dərs deyən müəllimlərin dərsləri dinlənilib.
Müəllimləri maraqlandıran suallar Ağstafa Rayon Təhsil Şöbəsinin ibtidai siniflər üzrə metodisti Samirə Mahmudova tərəfindən cavablandırılıb. İbtidai sinif müəllimlərinə lazımı metodiki köməklik göstərilib.
Nəcibə Vəliyeva . Ağstafa
