Xəbərlər
25 oktyabr 2016
4 954
Qax Rayon Uşaq Yaradıcılıq Mərkəzində “Multikulturalizm ili” çərçivəsində respublika rəsm müsabiqəsinin rayon mərhələsi keçirilib.
Müsabiqəni giriş sözü ilə açan UYM-nin direktoru E.Əliyeva bildirib ki, tədbir ölkəmizdə multikultural dəyərlərin qorunub saxlanması, daha da inkişaf etdirilməsi və geniş təbliğ edilməsi məqsədi ilə ölkə Prezidentinin müvafiq sərəncamına , Təhsil Nazirinin "Məktəblilər arasında "Multikulturalizm ili” nə həsr olunmuş respublika rəsm müsabiqəsinin keçirilməsi barədə ”17 may 2016-cı il tarixli 285 nömrəli əmrinə müvafiq olaraq təşkil olunub.
Müsabiqənin keçirilməsində məqsəd Azərbaycanı dünyada multikulturalizm mərkəzi kimi tanıtmaq, gənc istedadları üzə çıxarmaq, yer üzündə müharibələrə etiraz etmək, uşaqlarda digər millətlərə, dinlərə hörmət və dözümlülük hissi aşılamaq, uşaqların təhlükəsiz, azad və xoşbəxt yaşamasına dəstək verməkdən ibarətdir. Azərbaycan çoxmillətli ölkədir və burada 20-dən artıq xalqın nümayəndəsi mehriban şəraitdə yaşayır. Qax rayonu da multikultural dəyərlərin və tolerantlığın yüksək səviyyədə qorunub saxlandığı rayonlardan biridir.
Müsabiqədə rayonun bütün ümumtəhsil məktəblərinin şagirdləri iştrak ediblər. Rəsmlər özündə multikultural dəyərləri əks etdirib. Qalib olmuş şagirdlərin rəsm işləri respublika mərhələsinə göndərilib.
Günay Mahmudova . Qax
