Əvvəlki illərin məzunları "buraxılış"da hansı dildən imtahan verəcəklər? - Qaydalar
Gələn il keçiriləcək buraxılış imtahanlarında xarici dil seçimi abituriyentlər üçün qaranlıq qalan məqamlardan biridir.
Cari ilin məzunlarının buraxılış imtahanındakı xarici dil seçimi barədə yazılara yer vermişdik.
Bəs əvvəlki ilin məzunları buraxılış imtahanı modelində əlavə qəbul imtahanında hansı dildən sınağa çəkiləcəklər?
Məsələylə bağlı Dövlət İmtahan Mərkəzindən AzEdu.az-a verilən məlumata görə, əvvəlki illərin məzunları üçün xarici dil seçimi sərbəstdir.
Qəbul imtahanını Azərbaycan dilində verən əvvəlki illərin məzunları xarici dil kimi ingilis, alman, fransız, rus, ərəb və ya fars dilini, qəbul imtahanını rus dilində verən abituriyentlər isə ingilis, alman və ya fransız dillərini seçə bilərlər.
Xatırladaq ki, tədris Azərbaycan dili istisna olmaqla digər dillərdə aparılan ümumi təhsil müəssisələrində təhsil alan şagirdlər 9-cu və 11-ci sinif üzrə buraxılış imtahanı çərçivəsində Azərbaycan dili fənnindən də imtahan verməlidirlər.
Şagirdlər buraxılış imtahanında xarici dil fənni kimi məktəbdə onlara tədris olunan və məktəb tərəfindən "Şagird-məzun" sisteminə daxil edilən xarici dil fənnindən imtahan verəcəklər.
Ali təhsil müəssisələrinin müsabiqəsi zamanı həmin imtahanın nəticələri nəzərə alınacaq. Lakin abituriyentlər məktəbdə onlara tədris olunmayan başqa bir xarici dil fənnindən imtahan vermək və I-IV ixtisas qrupları üzrə ali təhsil müəssisələrinin müsabiqəsi zamanı həmin imtahandan topladıqları balın nəzərə alınmasını istəyərlərsə, onlara özlərinin seçdiyi xarici dil fənnindən əlavə imtahan vermək imkanı da yaradılacaq. Belə olduğu halda, həmin abituriyentlərin buraxılış imtahanında xarici dil fənnindən topladıqları bal deyil, əlavə verdikləri imtahandan topladıqları bal ümumi balın üzərinə əlavə olunacaq və müsabiqə zamanı nəzərə alınacaq.
Xarici dil seçimi üçün DİM-ə ərizə yazmaq tələb olunmur. Məktəb tərəfindən hansı xarici dil "Şagird-məzun" sisteminə daxil olunursa, şagird həmin xarici dil fənnindən imtahan verir.Yəni şagirdin imtahan verəcəyi xarici dili məktəb müəyyən edir.
IX və XI sinif buraxılış imtahanlarında şagirdlərə xarici dil fənnindən təqdim olunan 15 sualdan 6-sı dinləmə mətni əsasında tərtib olunacaq.
İmtahan otağında dinləmə mətni xüsusi qurğu vasitəsilə iki dəfə səsləndiriləcək. Səsləndirmə ümumi olacaq və tapşırıq zamanı şagirdlərin qulaqcıqdan istifadəsi nəzərdə tutulmayıb. Sualların rahat şəkildə cavablandırılması üçün imtahan zamanı zalda sakitlik təmin olunacaq.
Əgər məktəbdə şagirdlərə iki və ya daha çox xarici dil tədris olunursa, həmin şagirdlər buraxılış imtahanında xarici dil fənni kimi həftə ərzində daha çox dərs saatı olan xarici dil (bundan sonra əsas xarici dil) fənnindən imtahan verəcəklər.
Ali və orta ixtisas təhsili müəssisələrinə qəbul müsabiqəsi zamanı həmin xarici dil fənnindən abituriyentlərin topladıqları bal nəzərə alınacaq.
I,II,III və IV ixtisas qrupları üzrə ali təhsil müəssisələrinə qəbul müsabiqəsində iştirak etmək istəyən və XI sinfi cari ildə bitirən abituriyentlər istənilən digər xarici dil fənnindən əlavə imtahan vermək istəyərlərsə, həmin abituriyentlərə xarici dil fənnindən əlavə imtahan vermək imkanı yaradılacaq.
Əvvəlki illərin məzunları "buraxılış"da hansı dildən imtahan verəcəklər? - Qaydalar
İki və ya daha çox xarici dil tədris olunan məktəblərin şagirdləri buraxılış imtahanını hansı fəndən verəcəklər?
Buraxılış imtahanlarında xarici dilin seçimi ilə bağlı qaranlıq məqamlar
Yeni qəbul imtahanlarında xarici dil seçimi ilə bağlı vacib izahlar – Bütün abituriyentlər diqqətli olmalıdırlar
Qəbul imtahanının yeni qaydaları - CƏDVƏL
Bu il kəsilən abituriyentlər gələn il necə imtahan verəcəklər? – DİM-dən açıqlama
"Buraxılış"da dinləmə mətniylə bağlı hansı şəraitlər yaradılacaq? -DETALLAR
Gələn il imtahanlar necə təşkil olunacaq? - DİM-dən AÇIQLAMA
Qəbul və buraxılış imtahanları belə olacaq - Şərtlər açıqlandı
Qəbul imtahanları hansı fənlərdən olacaq? - BÜTÜN YENİLİKLƏR AÇIQLANDI
Məzunlar imtahanı necə verəcəklər? –DİM-dən CAVAB
Qəbul imtahanında yeniliklər- AÇIQLANDI
Buraxılış və qəbul imtahanları ilə bağlı yeni model açıqlanıb
Yeni dərs ili üçün tələbə qəbulu – QAYDALARI
XI sinif şagirdlərinə bəd xəbər
Tələbə qəbulu üçün müsabiqədə iştirak ödənişli olacaq - Qaydalar təsdiqləndi
Orta ixtisas təhsili müəssisələrinə tam orta təhsil bazasında yeni tələbə qəbulu qaydaları açıqlanıb
Yeni qəbul imtahanı MODELİ: İlkin mərhələdə bir çoxları ciddi yanaşmayacaq
Orta ixtisas təhsili müəssisələrinə tələbə qəbulu bu qaydalar əsasında aparılacaq
Əvvəlki illərin məzunları yenidən buraxılış imtahanı verəcək
Buraxılış imtahanlarında ediləcək dəyişikliklər açıqlanıb
2019-cu ildə qəbul imtahanında ballar belə hesablanacaq - AÇIQLAMA
Buraxılış imtahanlarının hesablanma qaydası -İZAHLI VƏ SADƏ FORMADA
Məleykə Abbaszadə: "Şagirdlərə yeni növ tapşırıq veriləcək"