Xəbərlər
20 oktyabr 2016
4 269
Texniki – Humanitar liseydə “Talassemiya ilə Mübarizə” adlı tədbir keçirilmişdir
Azərbaycan Respublikası Prezidentinin 10 fevral 2015-ci il tarixli 1044 nömrəli Sərəncamı ilə "Talassemiya ilə mübarizəyə dair 2015-2020-ci illər üçün Dövlət proqramı” üzrə Tədbirlər Planının 5.7.3-cü bəndinin icrası təmin etmək məqsədilə yerli səhiyyə orqanlarının nümayəndələrinin iştirakı ilə əhali arasında talassemiyanın profilaktikası sahəsində geniş maarifləndirmə işi aparılır. Bu məqsədlə 17.10 - 18.10.2016-cı il tarixlərdə Starlab Tibb Mərkəzi və Texniki – Humanitar lisey "Talassemiya ilə Mübarizə” adlı tədbir keçirmişdir. Tədbirdə V,VI,VII,VIII,IX,X və XI sinif şagirdlərinə, liseyin müəllimlərinə və valideynlərə həkimlər Vüsalə Atakişiyeva və Fəxriyyə Əhmədova talessimiya haqqında geniş məlumat vermiş və öz çıxışlarında bildirmişlər ki, talassemiya genetik bir xəstəlikdir. Bu xəstəliyin qarşısını almaq üçün vaxtında müayinədən keçmək lazım olduğunu tədbir iştirakçılarına bildirilmişlər. Tədbirdən sonra Starlab Tibb Mərkəzi Texniki-Humanitar liseyin şagird, valideyn və müəllim heyətinə laborator müayinə olan qanın ümumi analizini ödənişsiz həyata keçirmişdir.
