Xəbərlər
19 oktyabr 2016
7 337
Şabran şəhər T. Abbasov adına 1 nömrəli tam orta məktəbdə "Sən sahibkarsan" adlı açıq dərs keçirilib.
Oktyabrın 18-də Şabran şəhər T. Abbasov adına 1 nömrəli tam orta məktəbin X b sinfində "Sən sahibkarsan" adlı açıq dərs keçirilib. Məktəbin coğrafiya müəllimi Cəvahir Əliyevanın təşkil etdiyi dərs şagirdlərlə diskussiya şəklində keçib. Açıq dərsdə məktəbin müəllimləri və Rayon Təhsil Şöbəsinin əməkdaşları müşahidəçi qismində iştirak edib.
Qeyd edək ki, Rusiya Federasiyasının "Tiinrileyşnz" Kommunikasiya Agentliyi tərəfindən gənclər arasında sahibkarlığın təbliği məqsədi ilə "Sən sahibkarsan" layihəsi çərçivəsində 1 aprel-30 may 2016-cı il tarixlərində Rusiyanın ümumi və orta ixtisas təhsili müəssisələrində "Vahid dərs" keçirilmişdir. Belə bir dərsin digər MDB dövlətlərində də təşkilinin tövsiyyə olunduğu nəzərə alınaraq həmin layihənin ölkəmizin ümumtəhsil müəssisələrində keçirilməsi məqsədəuyğun hesab olunmuşdur.
Gülər Hüseynova .Şabran
